...... عائلة من مجدالكروم تنشر قصة تعرض ابنتها للتنمر والضرب وشد الشعر من قبل فتيات بالمدرسة - اخبارنا سوا
تابعنا عبر قناتنا في التليجرام


 قدّم مواطن من سكان مجد الكروم ، وهو والد لطالبة تدرس في الصف التاسع – شكوى في الشرطة بعد تعرض ابنته لاعتداء من قبل زميلات لها في المدرسة التي تدرس فيها بالقرية .

حيث اصدرت العائلة بياناً ، جاء فيه تفاصيل الحادثة ننشره كما وصل :” اعوذ بالله من الشيطان الرجيم

بسم الله الرحمن الرحيم

يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ (119)

لكل من يهمه الامر ..

نحن اهل الطالبه في صف التاسع – التي تتعلم في المدرسة الاعداديه مجد الكروم

بوجب عليي كإنسان بموجب إنسانيتي أولاً وبموجب ديني ثانياً وعاشراً إني أنقل موضوع وحدث في غاية الخطوره اللي ممكن يودّي بحياة بناتنا وأولادنا إذا ما قمنا بدورنا كأهل كيف لازم بالتربيه والوعي للتعامل وللعواقب لكل تصرّف ببدُر منهن ( شهدنا حوادث كثير وأدت بموت أو أذى بشراسة أكبر)

هذا ما بقول انه الحدث اللي رح أحكي عنه أقل خطوره انما رسالتي هي لأحاول أوصّل الصوره بشكل واضح ومع صدق حتمي لإنه مهم جداً فهو دورنا كأهل أنه يقتضي علينا غرز القيم ، المبادىء والاخلاق لدى ابناءنا، تربية صحيحة تهيء الابناء لسلوك صحيح الذي يساعد في بناء جيل حسن الخُلق.

لا تعتذروا بالسعي على أرزاقهم…

فبئس الرزق ذلك الذي يقدم للأمة أجساما معلوفة وأخلاقا مهلهلة ضعيفة ..!!

واعلموا أن من أفضل الصدقات الجارية في هذا الزمن هي تأديبك ولدك ..!!

اللي صار كالتالي: جريمة مخططه بحرفية مُطلقه بحق بنتي اتفقو عليها مجموعة بنات من عدة طبقات بذات المدرسة، وغالباً الموضوع غيرة بنات عُمريّة واللي دورنا كأهل نناقشها ونوعّي أولادنا كيفية التعامل معها ولكن التربية وطرقها متفاوته من بيت لآخر مع الأسف ولهيك وصلنا لهون،

الصبايا (عملو مجموعة واتس أب وسموه (قتلة تالا) فيه اكم بنت مشتركات بالتخطيط، ببعثولها عالسناب مسبات وتهديد، بعد يومين بتكون قاعده هي وصاحبتها وحده بتهزلها شعرها عشان الباقي يهجمو عليها وبهجمو عليها بضربوها وبخربولها شعرها لدرجة بتوصل عالبيت بكون شكله وملمسه مثل الحجر، طبعا هون السؤال كيف وصل الشعر لهيك وضع؟؟؟؟؟ في مين يسأل ويهتم!!!؟ ، خرب شعرها بشكل كامل وفقدت الكثير منه والأذى النفسي اللي تعرضتله حجمة ما بنشرح ولا بنوصف بكلمات….

وبعد هيك مجموعه ثانية بفوتو عصفها بزتو اغراضها وبكتبو عورقة الحمد الله عالسلامة هون الاشي صار اكبر وهيئة التخطيط ما زال مستمر !!!

بنفع أسأل شو السبب وليش هيك صار !!!! واحنا كأهل شو دورنا الربّاني والإنساني!!؟؟ ومين رح يكون مسؤول عن هيك قصص هلقد كبيره إذا ما كُنّا إحنا !؟؟

الحق رح نوخذه ورح يوصل لإنه ربنا هو الحق والعدل والحمدلله إنه كلشي صار موثّق وواضح وطبعاً هنالك شهود عيان من داخل المدرسه فكل هذا بعِلاج من قِبَل الجهات المختصّه….وعلى الله فليتوكّل المؤمنون ?

بس شو مع نفسيات أولادنا وأذاهن ولوينتا رح نغمّض عيوننا ونكمّل حياتنا وكأنّه شيئاً لم يكُن !!! نفرض إبنك أو بنتك اللي تعرّضوا لهيك موقف، شو بتكون ردّة فعلك ….

بتأمل هاذ الحدث اللي صار مع بنتي ويمكن كان يكون مع بنتك/ابنك عبره لكل حدا فينا وانا بدوري ك اب/ام للطالبه ان يكون هناك حل جذري للعنف

وان كان في مشكله عند اي ولد او بنت نعالجها مش عيب ومش حرام بالعكس لازم بدورنا كأهل ان نتوجه لناس مختصه نعالج مشاكل ولادنا او نداويهن احنا في بيتنا نتفضى شوي لاولادنا نحن عليهن ونتناقش معهن نفهم شو بدور براسهن بتفكيرهن لحتى ما نوصل لهاذ الوضع لانو ما بدنا غير انو ربنا يصلح الحال لافضل حال

وشغله مهمه جداً لازم اطرقلها، لكل العائلات اللي بنتها كانت مشتركه بالحدث او تواصلو معهن الشوؤن او قسم التحقيقات لجيل تحت سن ال ١٨ في الشرطه وفي منهن عائلات اللي تواصلت معنا قبل التحقيقات عشان تتأسف وتستنكر او بعثو رساله إعتذار ولحد هاي اللحظه ما غلطنا بحقهن وتعاملنا معهن باحترام لأنو تربينا عالاحترام وما نتعدى ولا نغلط بحق غيرنا وهذا لا يعني انو منسكت عن حقنا مشكورين جداً على اهتمامكو وتاسفكو

ولكن المعذره منكو الموضوع ما بنحل لا بكلمه آسف ولا بفنجان قهوه لانو حالات مثل هيك علاجها اخصائية نفسية سلوكية للاطفال وعامل اجتماعي

والشؤون والشرطه هني بقررو حسب التحليلات اللي يخضع لها قسم من الطالبات اللي بحاجه لهاد العلاج وهاي شغله مهمه لمصلحة ابنائكو ما فيها خجل عشان ابني او بنتي او ابنك او بنتك يتعالج وين لازم عشان يتعامل بطريقه صح للمستقبل

ولكل ألاهالي اللي بحاولو يبروو او يدافعو عن ابنائهن دفاع أعمى عن طريق الوسائل الاجتماعيه منتمنى انو يحاسبو ضميرهن ويراجعو انفسهن ويقعدو مع بنتهن في البيت وتصارحهن بالحقيقه عشان يعرفو ان الله حق

واقل ما فيها يحطوا نفسهن محلنا وبنفس موقفنا ويشعرو بحجم الأذى

وبالنسبه لصفحات الوسائل الاجتماعيه اللي بتنشر عن الخبر مع تضخيم او تقليل من اللي صار في ساحه المدرسه هاد شأنهن وصفحتهن الخاصه وما بتمثلني

وأي صفحه حابه تنشر الخبر لتوعيه الجيل القادم بقدرو ينشرو الخبر اللي بأسم العائله مش غلط ولازم لانو القضية اصلاً صارت قضية رأي عام وتخص كل بيت فينا ومش بس بيتي انا

وللتوضيح انا غير مسؤول عن أي شخص انو يدافع عني او يتهم اي عائله لانو كل بنت اشتركت معروف اسمها وما بدنا لا تبرير ولا استنكار كل شيئ موثق …

لا تغفلوا عن أولادكم ..

الأولاد يكبرون جسما ويصغرون دينا..

يأكلون طعاما ويجوعون حبا و تربية و أخلاقا ..!!

والزمان الآن لم يعد كسابقه ..

في اليوم الذي تغفل فيه عن ولدك

يهجم على عقله ألف فكرة خاطئة

وعلى عينيه ألف ألف مقطع سيئ

وعلى وقته ألف ألف شاغل وشاغل بالشر عن الخير….

فكيف بمن يغيبون عن أولادهم شهورا ودهورا؟!!

أيها الآباء لا حاجة لأولادكم في الثوب الجديد أو المصروف الكبير أو الميراث الوفير إذا لم تؤسسه بحضورك على حب الله ومراقبته وتكتشف مواطن الخير فيه فتتعهدها وتنميها وتعرف مكامن الشر في نفسه فتنتزعها وتنقيها..

ولا تعتذروا فللرجال بصمات وللنساء لمسات…

ولا غنى للولد عن كليهما.

لا تعتذروا بالسعي على أرزاقهم…

فبئس الرزق ذلك الذي يقدم للأمة أجساما معلوفة وأخلاقا مهلهلة ضعيفة ..!!

واعلم أن من أفضل الصدقات الجارية في هذا الزمن

هي تأديبك ولدك ..!!

بدنا دعم لجيل صاعد يتربى على قيم وأخلاق عاليه

اليوم بنتك او ابنك وقع بمشكله من استهتار وقله تربيه في البيت مش غلط انك تراجع وتحاسب نفسك وتربيه عاللصح عشان يكون مثال لغيرو من الاجيال

وبتمنى من هيئه المدرسه الاعداديه ومديرها وكل طاقم المعلمين المحترمين انو يكون في نواب وعريف على الاقل كيف كان زمان يتواجد في الساحه والفرصه عشان يراقب سلوك الطلاب ويكون في مراقبه وتشديدات لمصلحة ابنائنا

وبتأمل من الجميع اللي بقرأ المنشور وحابب يعلق في أي صفحه يكون تعليق إيجابي لمصلحه الطلاب وللتوعيه والتوجيه وما يجرح أي عائله او بنت كانت مشتركه بالحدث

والله يصلح الحال

وحسبنا الله لا اله الا هو عليه توكلنا وهو رب العرش العظيم

تابعنا على وسائل التواصل الاجتماعي
الكلمات المفتاحية :

0 comments 0 Facebook

أهم الاخبار

أهم الاخبار
علوم و تقنيات
 
اخبارنا سوا © 2022. جميع الحقوق محفوظة. نقل بدون تصريح ممنوع اتصل بنا
Top