تضامن عدد من نجوم الفنّ في الوطن العربي، مع قضية الفتاة إسراء غريب، التي قُتِلت تحت مسمى الشرف من قبل أسرتها تحت هاشتاغ #كلنا_إسراء_غريب.
فقالت الفنّانة نادين نجيم عبر حسابها الرسمي بموقع «تويتر»: «ما في شي اسمه جريمة شرف والجاني بطل (هيدا تخلّف)، في شي اسمه جريمة قتل والجاني قاتل و(ملعون) بكل الأديان، الله يرحم روحك يا إسراء، والله ينتقم من كل شخص بيقهر أو بيعذّب امرأة».
وقالت الفنّانة إليسا: «ما في شي بيبرر القتل. ما شي أبداً أبداً أبداً. والشرف منو معلّق بالبنت وحياتها الخاصة، خلصنا رجعية. بس الأسوأ من القاتل هوي اللي بيبررلو أو بيقلو كنت ربيها عا جنب بدل ما تبهدل العيلة بالسمعة. القاتل هوي السمعة السيئة، مش البنت اللي بتحب #كلنا_إسراء_غريب».
بينما علّقت الفنّانة سولاف فواخرجي، وقالت: «كان يا مكان، بكل زمان بهاد المكان، بنت كل ذنبها إنّها خلقت بنت... ولدت ضحية، ووعيت متهمة، كبرت عار، وعاشت كل عمرها لتقدم وثائق الشرف».
وتابعت: «مو لربها، للأسف، وإنما لإخواتها ومجتمعها اللي خلقوا ومعهم أختام إلهية على صكوك الشرف وحسن السير والسلوك، بنت كل ذنبها إنها حبت متل أي بنت، متل أي إنسان، بنت والبنت أم كيف ممكن ينقتل مخلوق انخلق بقلبه أم».
وأضافت سولاف: «وإسراء وحدة من بناتنا المذنبات أنهم انولدوا ببلادنا، راحت بكل بساطة، لانو شرف إخواتها أهم من حكم الله بالقتل».
وتابعت: «لوين رايحين؟ أو لوين ولوين راجعين؟ # إسراء غريب، شهيدة انعدام الإنسانية، انعدام الدين، انعدام الأخلاق، انعدام الرحمة، انعدام كل شيء، إسراء لروحك الرحمة والسلام، وتوتة توتة خلص الحب، ولا كمل الحلم ولا الحدوتة».
من جانبها، قالت الفنّانة ماغي بوغصن: «ما في شي اسمه جريمة شرف والجاني بطل (هيدا تخلّف)، في شي اسمه جريمة قتل والجاني قاتل و(ملعون) بكل الأديان. الله يرحم روحك يا إسراء، والله ينتقم من كل شخص بيقهر أو بيعذّب امرأة».
وعلّقت النجمة نانسي عجرم، قائلة: «الشرف مش بالقتل، الشرف مش بالضرب والتعذيب والتعنيف»، وتابعت: «كلنا إسراء غريب، واليوم وبأعلى صوت العدالة لازم تتحقق والقاتل لازم يتعاقب ويتحاسب، هو وحده المجرم مش البنت اللي حبِت وراحت تشوف خطيبها».
ومن جانبها، قالت الفنّانة نسرين طافش: «نحن لا نعيش في مجتمع واحد بل بين مجتمعات وكل مجتمع له الأحقية في الوجود على تباين أفكار مجتمع عن آخر... إلا مجتمع واحد في منتهى الخطورة مبني على العنف وإلغاء الآخر إنه مجتمع الجهل الذي لا دين له ولا ملّة... من يرتكب جريمة تحت مسمى (الشرف)... لا شرف له».
